بقلم الدكتور فؤاد عتيق

يا بي الكل آ آ آ آخ يا بيي
نطرنا تجينا من السما هدية
مرقت شهور،سنين عالنطرة
وبعدنا منحلم بعيدية
قلنا سنة ،راحت سنة وسنين
فضْيِتْ خوابي الزيت يا بيي
كلكل صبرنا والجوع ناطر
وما بقى عنا رغيف يا بيي
وجرحنا دامي والقلب مقهور
وبعد ما لقيتوا لجرحنا دويية
وبعدا زبالة بالطريق كوام
والكهربا قطعة بلا مجيي
ونسوان حارتنا والامل مفقود
همن يعبوا جرتن ميي
وراح موسم اصطياف وفل
ولبنان ناطر بعد صيفية
ينعم ويفرح بالسلام وبس
بس الامل مقطوع يا بيي
تعبنا، يئسنا والطريق طلوع
وبعدنا مننده آ آآ خ يا بيي